Бүгүн, 14 саастарын туолбут Чурапчы үөрэнээччилэригэр улахан долгутуулаах, бэлиэ күн үүннэ. Ол курдук, сарсыарда 9 чаас 30 мүнүүтэҕэ Чурапчы нэһилиэгэр “Мин докумуоннарын” элбэх хайысханы оҥорор кииҥҥэ улахан дьаһал буолла.
Бу күн, улуус баһылыгын Степан Саргыдаев, улуус дьокутааттарын Сэбиэтин бэрэссэдээтэлэ Яков Оконешников уонна улуус үөрэҕин управлениетын начаалынньыга Юрий Посельскай илиилэриттэн 23 оҕо, РФ гражданиннара буолары туоһулуур олохторугар бастакы пааспардарын, РФ конституциятын туттарыы үөрүүлээх чааһыгар кытынныбыт. Үөрүүлээх чааска “Мин докумуоннарын” элбэх хайысханы оҥорор киин салайааччыта Мотрена Сивцева, “Движение первых” Чурапчытааҕы хамсааһын салайааччыта Любовь Макарова, бойобуой дьайыы бэтэрээнэ Семен Павлов эҕэрдэлээтилэр.
Артем Захаров, Василий Городецкай, Леонид Саввин, Нарыйаана Романова, Владислав Васильев, Константин Постников, Михаил Дьяконов, Евгений Аржаков, Николай Посельскай, Вилена Стручкова, Алина Сивцева, Арчын Матвеев, Мичийэ Романова, Динара Варламова, Эрсан Дьяконов, Виктория Дьяконова, Алтын Родионов, Роберт Саввин, Олимар Данилов, Любовь Ван-Чу-Лин, Анастасия Соломова, Ульяна Степанова, Айтал Рожин ааттара улууспут бүгүҥҥү күнүн устуоруйатыгар букатыннаахтык хааллалыр.
Үөрэнээччилэргэ улуус баһылыга Степан Анатольевич бары үтүөнү, үөрэхтэригэр ситиһиини, кытаанах доруобуйаны баҕарда.
Сэмэн Жендринскэй. Ааптар хаартыскаҕа түһэриитэ