Сылын аайы атырдьах ыйын иккис субуотатыгар Арассыыйаҕа Физкультурник күнэ бэлиэтэнэр. Бу күн ССРС норуодунай хамыһаардарын Сэбиэтинэн 1939 сыллаахха олохтоммут.
Успуордунан сөбүлээн дьарыктанар дьону-сэргэни Чурапчы улууһун дьаһалтатын успуорка салаатын начаалынньыга Дьулустан Васильевич Егоров эҕэрдэлиир.
— Убаастабыллаах ыспарсымыаннар, тириэньэрдэр, успуорт бэтэрээннэрэ, успуордунан сөбүлээн дьрыктанааччылар! Усупуорт салалтататын, уопсастыбаннаһын уонна тус бэйэм ааппыттан Физкультурник күнүнэн итиитик-истиҥник эҕэрдэлиибин!
Бу бырааһынньык сылын аайы успуорду сөбүлүүр дьону-сэргэни сааһынан, үлэлиир идэлэринэн араарбакка сомоҕолуур. Сылын ахсын олохторугар успуорду өрө тутар дьон элбээн иһэллэрэ хас биирдиибитин үөрдэр. Саха сиригэр маассабай успуорт балысханнык сайдар, дьон-сэргэ онно көхтөөхтүк кыттыһарын успуорка интэриэс күүһүрбүтүн туоһулуур. Бэйэ кыаҕынан үрдүк ситиһиилэр кэлэллэр!
Ааспыт сылларга хамсык ыарыы өрө туран, Аан дойдуга уустук күннэр-дьыллар сатыылаан аастылар. Биһиги саҥа усулуобуйаны ылынарбытыгар тиийбиппит. Ыспарсымыаннар, тириэньэрдэр, успуордунан сөбүлээн дьарыктанааччылар кыахтарын ыһыктыбат туһуттан саҥа суолу тобулан күүскэ үлэлээтилэр.
Бүгүҥҥү бырааһынньыкка сөп түбэһиннэрэн, эһиэхэ барыгытыгар кытаанах доруобуйаны, дьолу, үрдүк ситиһиилэри, саҥа кыайыылары баҕарабын!