От ыйын 31 күнүттэн атырдьах ыйын 2 күнүгэр диэри Челябинскай куоракка 35-тэн үөһэ саастаах ыспарсымыаннарга чэпчэки атлетикаҕа Арассыыйа чөмпүйэнээтэ ыытылынна. Манна Дойду 67 эрэгийиэниттэн барыта холбоон 900-тэн тахса атлет тиийэн кытынна.
Саха сирин чиэһин араас улуустан 14 күрэсчит көмүскээтэ, кинилэр истэригэр Чурапчы улууһуттан икки атлет чаҕылхай көрдөрүүлэннэ.
Ол курдук, Чурапчы нэһилиэгин олохтооҕо Евдокия Каженкина ыспартыыбынай хаамыыга 3000 уонна 5000 миэтэрэлэргэ итиэннэ диискэни быраҕыыга үһүөннэригэр боруонса мэтээли ылары ситистэ.
Кинини кытары Болтоҥо нэһилиэгин олохтооҕо Ульяна Слепцова 5000 миэтэрэҕэ – 2 миэстэ, 800 миэтэрэҕэ – 1 миэстэ, 1500 миэтэрэҕэ – 2 миэстэлэри ылаталаан РФ успуордун маастарыгар хандьыдаат нуорматын толордо. Итини таһынан кини 4*100 уонна 4*400 миэтэрэлэргэ ыытыллыбыт эстафеталарга кыттан — 3 миэстэни ылаттаан уопсайа холбоон 5 мэтээллээх дойдутугар айаннаан иһэр.
Чурапчы уҥмат тыыннаах быһыйдарыгар уруй-айхал!
Сэмэн ЖЕНДРИНСКЭЙ. Хаартыска Ульяна Слепцова тус архыыбыттан