Чурапчы улууһун салалтата “Улуу Өктөөп 50 сылыгар” анаммыт мемориалга Чурапчы улууһун бөдөҥ политическэй диэйэтэллэрин бүүстэригэр сибэкки дьөрбөтүн уурдулар.
Павел Пинигин аатынан уулуссанан “Саҥа олох” эрэдээксийэ таһыттан (Ленин болуоссатыгар диэри) Чурапчы улууһун уопсастыбаннаһын, үөрэнээччилэрин, тэрилтэ үлэһиттэрин Судаарыстыбаннас күнүгэр аналлаах сэлэлии хаамыылара ыытылынна.
Чурапчытааҕы Судаарыстыбаннай физическэй култуура уонна успуорт үнүстүүтүн устудьуоннарын ортотугар “СтудЗабег” Бүтүн Арассыыйатааҕы аахсыйа ыытылынна.
Чурапчы улууһугар СӨ Судаарыстыбаннаһын күнүн бэлиэтиир үөрүүлээх чаас, наҕараадалары туттарыы үөрүүлээх чааһа буолан ааста.
Чурапчыбыт улууһун олохтоохторун уонна ыалдьыттарын “Туругур, Сахабыт сирэ, чэчирээ, Чурапчым барахсан!” улахан оһуохай түмтэ.
Судаарыстыбаннас күнүн көрсө Чурапчы нэһилиэгэр киэҥ далааһыннаах сэлэлии хаамыы, үөрүүлээх бырааһынньыкпытын уруйдааһын-айхаллааһын түмсүүлээхпитин арылхайдык көрдөрдө. Халыҥ халҕаһанан улууспут, нэһилиэкпит салалтата, бары салаалар тэрилтэлэрэ, уопсастыбаннай түмсүүлэр, устудьуоннар, ону сэргэ үөрэнээччилэр биир кэккэнэн хаамтылар.
Cэмэн Жендринскэй. Ааптар хаартыскаҕа түһэриитэ