Үөрүүлээх түгэҥҥэ Чурапчы спортсменнара, бэтэрээннэрэ уонна спорт үлэһиттэрэ муһуннулар. Улууска спорт сайдыытын туһунан дакылааты спорт салалтатын начаалынньыга Дьулустан Егоров оҥордо.
Эҕэрдэ тылы улуус баһылыга Степан Саргыдаев, улуус дьокутааттарын Сэбиэтин бэрэссэдээтэлэ Яков Оконешников эттилэр.
“Гражданскай килбиэн” бэлиэни Егор Абрамовка, “Чурапчы улууһун Бочуоттаах олохтооҕо” ааты Клара Макароваҕа, “Чурапчы улууһун бочуоттаах бэтэрээнэ” бэлиэни Михаил Друзьяновка, “Оройуонун иннигэр үтүөлэрин иһин” 3-с истиэпэннээх бэлиэни Гавриил Яковлевка, Гаврил Сивцевкэ, Николай Поповка, “Оройуонун иннигэр үтүөлэрин иһин” 2-с истиэпэннээх бэлиэни Виктор Дьяконовка, Роман Оконешниковка, о.д.а. наҕараадалары туттардылар.
Биир дойдулаахтарбыт – СӨ “Физическэй култуураҕа уонна маассабай спортка салалтата” тэрилтэ салайааччыта Роман Оконешников, СӨ спортивнай резервэтин бэлэмниир киин салайааччытын э.т. Александр Андреев, РФ уонна СӨ үтүөлээх үлэһитэ Альбина Поисеева, СӨ үтүөлээх учуутала Виталий Неустроев эҕэрдэ тылларын эттилэр, Чурапчы спортивнай историятын ахтан-санаан аастылар.
Өрөспүүбүлүкэ спордун бэтэрээннэрин Сэбиэтин аатыттан Гаврил Сивцев уонна Чурапчы улууһун спордун бэтэрээннэрин Сэбиэтин бэрэссэдээтэлэ Герасим Платонов мустубут спортсменнары эҕэрдэлээтилэр, Чурапчыны спорт туоната дэтэ сылдьалларыгар эттилэр.
Араас кэмнэргэ Чурапчы улууһун спордун салайбыт, спорт сайдарын туһугар үлэлэспит, кылааттарын киллэрбит, сыраларын биэрбит дьоммутугар “Саха өрөспүүбүлүкэтигэр физкултуурунай хамсааһын 100 сыла” үбүлүөйдээх бэлиэни туттардылар.
Сыл түмүгүнэн спорт бастыҥнарын ааттаатылар.
Ол курдук, “Бастыҥ федерация” анал ааты оҕунан ытыы федерацията (сал. Александр Дьяконов) ылла.
“Бастыҥ инструктор” ааты Болугуртан Денис Третьяковка, “Физическай култуураҕа бастыҥ учуутал” ааты Владислав Кривошапкиҥҥа иҥэрдилэр.
Сыл 10 бастыҥ спортсменнара уонна тренердэрэ:
Көҥүл тустууга Россия спордун маастара Константин Капрынов, тренерэ Егор Пономарев
Остуол тенниһигэр Россия спордун маастарыгар кандидат Ольга Тихонова, тренерэ Светлана Башарина
Россия спордун маастара Олег Фомин, тренерэ Иннокентий Посельскай
Хотугу многоборьеҕа Россия спордун маастара Михаил Соловьев, тренерэ Альберт Иванов
Төрүт оҕунан ытыыга СӨ спордун маастара Эльвира Ефимова, тренерэ Павел Попов
Волейболга Уһук илин үрүҥ көмүс призера Альберт Корякин, тренерэ Альберт Бродников
Олорон эрэ волейболга үгүс өрөспүүбүлүкэтээҕи күрэхтэр кыайыылаахтара Анна Заровняева, тренерэ Афанасий Кузьмин
Дуобакка Россия уонна аан дойду спордун маастара Аяника Колодезникова, тренерэ Николай Кычкин
Гиирэ спордугар Сахаада маастара Мая Брызгалова, тренерэ Василий Дьячковскай
Национальнай многоборьеҕа үгүс өрөспүүбүлүкэтээҕи күрэхтэр кыайыылаахтара Юрий Копырин, тренерэ Владимир Абрамов
Чурапчы улууһун нэһилиэктэрин икки ардыларыгар ыытыллыбыт комплекснай спартакиада түмүгүн таһаардылар.
Кыра нэһилиэктэргэ 1-кы миэстэҕэ Хадаар, 2-с миэстэҕэ Төлөй уонна 3-с миэстэҕэ Кытаанах нэһилиэктэрэ таҕыстылар
Улахан нэһилиэктэргэ 1-кы миэстэҕэ Чурапчы, 2-с миэстэҕэ Болугур уонна 3-с миэстэҕэ Хоптоҕо нэһилиэктэрэ таҕыстылар.
Кыайыылаахтар улуус баһылыгыттан спортивнай инвентары ыларга 100 тыһ сертификаты туттулар.
Елена Макаринская, Сэмэн Жендринскэй хаартыскалара
Видео Наталья Сибирякова