Куонкуруска 4 түһүмэҕинэн барыта холбоон 11 кылаас салайааччыта кыттыыны ылла.
Күрэх муҥутуур кыайыылааҕынан, Василий Соловьев-Болот Боотур аатынан Хатылы орто оскуолатын нуучча тылын уонна литэрэтиирэтин учуутала, 5 кылаастар салайааччылара – Елена Петровна Иванова ааттанна уонна бу ахсынньы ыйга ыытыллыахтаах кылаас салайааччыларын өрөспүүбүлүкэтээҕи түһүмэҕэр улууспут чиэһин көмүскүү барыаҕа.
— I истиэпэннээх диплом 7 кылаас салайааччыта Иван Пономарев ( Степан Макаров аатынан Чурапчы гимназията).
— II истиэпэннээх диплом 10 кылаас салайааччыта Майя Петрова (Иван Федосеев-Доосо аатынан Дириҥнээҕит агрооскуола).
— III истиэпэннээх диплом 8 кылаас салайааччыта Николай Захаров (Семен Новгородов аатынан Чурапчы орто оскуолата).
Маны таһынан анал ааттар ананнылар:
— “Генератор идей” — 1 кылаас салайааччыта Нюргуяна Сивцева (Георгий Башарин аатынан Сылаҥ орто оскуолата);
— “Мастерство и опыт” — 4 кылаас салайааччыта Анисия Дьяконова (Василий Яковлев-Далан аатынан Кытаанах орто оскуолата);
— “Хранитель традиций” — 10 кылаас салайааччыта Галина Бандерова (Семен Флегонтов аатынан Хадаар орто оскуолата);
— “За верность в профессии” — 5 кылаас салайааччыта Светлана Платонова (Афанасий Макаров аатынан Улахан Күөл ситэтэ суох орто оскуолата );
— “Признание детей” — 5 кылаас салайааччыта Ньургуйаана Седалищева (Дмитрий Коркин аатынан Чурапчытааҕы республиканскай олимпийскэй эрэллэри бэлэмниир орто интэринээт-оскуола);
— “Лучший творческий подход” – 7 кылаас салайааччыта Нюргуяна Слепцова (Уот Субуруускай аатынан Болтоҥо орто оскуолата);
— “Педагогический дебют” – 10 кылаас салайааччыта Мотрена Андреева (Афанасий Илларионов аатынан Хадаар орто оскуолата).
Кылаас салайааччыта хас биирдии киһи олоҕор ийэ, аҕа тэҥэ үрдүк суолаталаах, олус күндү, саамай чугас киһибит. Кини сүбэтэ-амата, истиҥ иитэр үлэтэ, улахан кыһамньыта, истиҥ сыһыана – бу барыта үөрэнээччилэрин үрдүккэ кынаттыыр, олоҕу сыаналыырга, тулалыыр эйгэни таптыырга үөрэтэр, сиэрдээх киһи буола улаатарга сирдиир. Кылаас салайааччыларыгар бука барыларыгар ситиһиини, айымньылаах үлэни баҕа хаалыаҕыҥ!
Сэмэн Жендринскэй. Ааптар хаартыскаҕа түһэриитэ