«Боотур Уус сыдьааннара» бырагыраама чэрчитинэн, Байанай ыйыгар аналлаах муус ылыыта, “Тойон муҥха” буолан ааста. Ол курдук, 7-11 кылаас уолаттара, оскуолабыт эр дьоно, аҕа түмсүүтэ муус ыллылар уонна муҥхалаатылар.
Оҕолор бэйэлэрэ муус ылан, муҥха түһэрсэн, тэҥҥэ үлэлэһэн, тиритэн-хорутан, эттэринэн — хааннарынан билэн күннэрин атаардылар. Оскуолабыт повардара сылаас чэйинэн, миининэн күндүлээтилэр. Ылыллыбыт муус оскуолаҕа, кырдьаҕас учууталларбытыгар уонна байыаннай дьайыыга сылдьар уол төрөппүттэригэр ананна.
Муҥхалаабыт балыктарын хас биирдии кэлбит киһиэхэ өлүүлээн биэрдилэр. Муҥхаҕа кэлбит дьон өттүк харалаах, илии тутуурдаах, үөрүү аргыстаах тарҕастылар.
Онон оскуолабыт аҕаларыгар, эр дьонугар, повардарга, муҥха хаһаайыныгар Говоров Иван Иннокентьевичка махталбытын тиэрдэбит.
Лидия Сивцева, дириэктэри агро хайысхаҕа солбуйааччы
