Аныгылыы хааччылыылаах оборудование «Продолжительная активная жизнь» национальнай бырайыак иитинэн Арассыыйа бэрэсидьиэнэ Владимир Путин ыйааҕынан ылыллыбыт. Кини көмөтүнэн оройуон дьахталларыгар скрининг-көрүүлэрин хаачыстыбатын уонна тиийимтиэтин үрдэтиэҕэ.
Саҥа тэрил уот сүүрээнэ кыччатыллыбытынан ойууларын үрдүк хаачыстыбатын хааччыйар, бу чуолкай уонна куттала суох ыарыыны быһаарыыга улахан суолталаах. Цифровой күлүктэр уонна кинилэр быһаарыылара медицинскэй ойуулар биир архыыптарыгар хараллаллар. Бу оройуон эмчиттэригэр Дьокуускайтан кэлбит исписэлиистэри кытта телемедицинскэй сүбэлэһиилэри уонна үлэни түргэнник тэрийэр кыаҕы биэриэҕэ, итиэннэ уустук ыарыылар туруктарын булууга ордук суолталаах буолуоҕа. Чурапчы киин балыыһатын дааннайынан, сыл аайы оройуоҥҥа 1,2 тыһыынчаттан тахса маммографическай көрүү ыытыллар. Скрининг түмүгүнэн эмчиттэр ортотунан 200-тэн тахса эмиий былчархай ыарыылаахтары эрдэттэн булан оҥороллор, бу кэмигэр эмтээһини саҕалыырга уонна эмтэнээччилэр доруобуйаларын харыстыырга кыах биэрэр.
«Аныгы ыарыыны быһаарар тэрил оройуон балыыһаларыгар ордук суолталаах. Кини көрүүлэри чуолкайдарынан үрдэтэр уонна ыарыыны эрдэттэн, эмтээһиҥҥэ ордук бэригэн кэмигэр, булан оҥорор. Биһиги сорукпут – үрдүк технологиялаах ыарыыны быһаарыыны дьахталларга олорор сирдэриттэн тутулуга суох ордук тиийимтиэ оҥоруу» – диэн бэлиэтээтэ Саха сирин доруобуйа харыстабылын миниистирэ Лена Афанасьева.
Сэмэн ЖЕНДРИНСКЭЙ