Карл Маркс аатынан сопхуос киин бөһүөлэгин – Дьабыыла тутаах уулуссатынан аҕамсыйбыт көрүҥнээх, ыраас сэбэрэлээх киһи хааман-сиимэн тыбыгырайан иһэр буолара.
Олохтоохторо кинини тас көрүҥүттэн 70 сааһын ытык кырдьаҕас дии санаабат этилэрэ. Ити – үлэ уонна сэрии бэтэрээнэ, уруккута дьадаҥы уус уола Михаил Маркович Сибиряков этэ.
Кини оҕотук сааһыттан колхуоһунай тутул туругурарын туһугар илиитин эрчимин биэрбитэ. Кини Өктөөп өрөбөлүүссүйэтиттэн дьолломмута уонна Аҕа дойдуну көмүскүүр Улуу сэрии кэмигэр ол дьолун илиитигэр саа-саадах тутан көмүскэспитэ.
Михаил Маркович олоҕун тиһэх сылларыгар диэри производстваттан илиитин араарбатаҕа.
Сэмэн ЖЕНДРИНСКЭЙ