Арай биирдэ сайын куобах төрөөбүт. Кини муус маҥан дьүһүннээх эбит. Онтон бииргэ төрөөбүттэрэ бороҥ дьүһүннээхтэр эбит.
Сайын ааспыт күһүн бүппүт кыһын буолбут. Арай куобахпыт дьүһүнэ бороҥ буолан хаалбыт. Атыттара маҥхайбыттар.
Арай дьүһүнэ уларыйбатах куобахпыт аччык бөрөнү көрсө түспүт. Бөрө сиэри эккирэппит да эккирэппит сэниэтэ эстиэр диэри сүүрбүт да сиппэтэх. Куобахчаан төһө да куттаннар быыс- хайаҕас булан ситтэрбэккэ ийэтигэр тиийбит. Ийэ барахсан төһө да оҕотун аһыннар атын сири ыйан биэрэн оҕотун саһыарбыт. “Куот-куот мантан тохтообокко оол ойуурга баар сыгынахха сас диэн ”- ыйан ыыппыт ийэ куобах. Куобахчаан төһө да хомойдор салгыы саһаары саамай түргэнинэн ойуоккалыы турбут. Аччык бөрө хата ситэн сиэбэтэх. Хараҕынан арыый мөлтүх буолан куобаҕын куоттаран кэбиспит.
Ол курдук уһун кыһын ааспыт, улахан тымныылар бүппүттэр. Саас күн уһаан кыыл -сүөл күн уотугар сыламныыра элбээбит. Сайыммыт тиийэн кэлбит.
Кыыллар өҥнөрө дьүһүннэрэ эмиэ уларыйбыт. Онуоха били куобах дьэ туран маҥхайан хаалбыт. Ыраахтан кини эрэ көстөр буолан эрэйи көрбүт. Аны бу сырыыга суолугар утары саһылы көрсө түспүт. Киитэрэйчээн саһылчаан сиэн баҕаран албынныырга санаммыт. Онуоха куобах көрдөһөн тыа кытыытыгар күөл аттыгар чөҥөчөккө ытыы олорбут. Ол олордоҕуна арай күөлбүт саҥарбыт:«Мин билэбин туохтан ытаабыккын, мин аптаах күөлбүн миэхэ киирэн умус, оччоҕо уларыйаргар көмөлөһүөм. Куобахчаан күөлгэ киирэн умсубут уонна атын куобахтар курдук бороҥ буолан хаалбыт. Күөл барахсан куобах уларыйарыгар көмөлөспүт. Куобахчаан наһаа үөрбүт, аптаах күөлгэ махтаммыт уонна дьиэтигэр үөрэ- көтө ойуоккалыы турбут.
Валерия Оконешникова, Мугудай орто оскуолатын 5-с кылааһын үөрэнээччитэ