Егор Борисов аатынан архыып-бибилэтиэкэ сонун бырайыагынан “Хатылы-Чурапчы-Хатылы” хайысханан сылдьар оптуобус саҕалаабыт бачыымын өйөөн, нэдиэлэ устата “Хадаар-Чурапчы-Хадаар” хайысханан айанныыр дьон бибилэтиэкэ өҥөтүнэн туһаныахтара диэн Хадаардааҕы модельнай бибилэтиэкэ пресс-киинэ иһитиннэрэр.
Нэһилиэк олохтоохторо айан кэмигэр араас кинигэлэри, сурунааллары ааҕыахтара. Итини сэргэ сотору кэминэн архыып-бибилэтиэкэ аудиопуондатыттан кэпсээннэри истэр буолуохтара. Онно сыһыаран Саха норуодунай суруйааччылара Семен Попов-Сэмэн Тумат “Номох уонна дьылҕа” үһүйээннэрин, Василий Яковлев-Далан “Бүтүн оҥоруу”, “Тиһэх кэриэс” үһүйээннэрин уо.д.а. истиэхтэрэ, нэһилиэктэр номохторун билиэхтэрэ. Холобура, бэҕэһээ айаннаабыт дьоннор сонун кинигэлэри, сурунаалларын көрөннөр “аата үчүгэйин” дэспит тыллара бу бырайыак чахчы даҕаны суолталааҕын, олохтоохтор ортотугар ааҕыы кэрэхсэбиллээҕин бэлиэтиир.
Бибилэтиэкэ үлэһиттэрэ түгэнинэн туһанан бу саҥа бырайыагы өйөөбүт, сэргээбит суоппардарыгар Иннокентий Давыдовка улахан махталларын тиэрдэллэр.
Инникитин даҕаны Чурапчы улууһугар бу бырайыак салҕыы сайдан, устуоруйата улам эҥээн иһиэҕэ.
Сэмэн ЖЕНДРИНСКЭЙ