Тохсунньу 13-14 күннэригэр Дьокуускайга ,,Триумф» спортивнай кииҥҥэ республика чэпчэки атлетикаҕа чемпионата буолла. Барыта 12 улуустан 176 спортсмен, ол иһигэр 68 бэтэрээн кыттыыны ыллылар.
Чурапчы улууһуттан Милена Белолюбская 400 м бастакы, Саргылана Бюлтясова 1500 м иккис, 3000 м үһүс, Эрхан Михайлов 800 м иккис, Валерия Кобельянова 200 м үһүс, Василий Филиппов 800 м үһүс буоллулар. Дьахталлар 4х200 м эстафеталарыгар бастакы миэстэни ыллылар. Вера Чичигинарова ядроны анньыыга бастаата.
Ордук үчүгэй көрдөрүүлэри спорт бэтэрээннэрэ ситистилэр. Ол курдук Ульяна Слепцова 1500 м, 3000 м бастаан абсалютнай чемпионканан буолла. Илья Дыдаев 200 м бастаата, 60 м үһүс буолла. Дмитрий Макаров үстэ төхтүрүйэн ойууга үсүс миэстэни ылла. 4х200 м эстафетаҕа бэтэрээн дьахталлар бастаатылар.
Алексей Слепцов