Бэҕэһээ о.э муус устар 27 күнүгэр, Ил Дархан Айсен Николаев Арассыыай Бэдэрээссийэтин уонна Саха Өрөспүүбүлүкэтин судаарыстыбаннай наҕараадаларын туттарда диэн СӨ Ил Дарханын уонна Бырабыыталыстыбатын пресс-сулууспата иһитиннэрэр.
Тэрээһин үөрүүлээх сиэригэр-туомугар СӨ Ил Дархана Айсен Николаев Арассыыйа Бэдэрээссийэтин судаарыстыбаннай наҕараадатын РФ уонна СӨ физическэй култуураҕа уонна успуорка үтүөлээх үлэһитигэр, наука докторыгар, биллэр Судаарыстыбаннай диэйэтэлгэ, Чурапчытааҕы сударыстыбаннай физическэй култуура уонна успуорт үнүстүүтүтүн Бэрэсэдьиэнигэр Михаил Гуляевка туттарда.
“Бүгүн бу саалаҕа Ийэ дойду бастыҥ, дьиҥнээх патриоттарын чиэстиибит. Эһиги, хас биирдиигит, бэйэтин миэстэтигэр, итэҕэлинэн уонна кырдьыгынан сулууспалыыр. Биһиги эһигинэн ис сүрэхпититтэн киэн туттабыт! Талбыт идэҕитигэр бэриниилээх буоларгытыгар, өр сыллаах эҥкилэ суох үлэҕит уонна үрдүк түмүктэри ситиһэргэ дьулуһаргыт иһин махтанабын”, – диэтэ Айсен Сергеевич.
Сэмэн Жендринскэй