Бэҕэһээ о.э олунньу 21 күнүгэр, Одьулуун нэһилиэгэр Чурапчытааҕы аграрнай-техническэй кэллиэс баазатыгар, орто үөрэх устудьуоннарын ортолоругар үгэскэ кубулуйбут күрэхтэһиигэ барыта холбоон 140 кыттааччылаах 14 хамаанда икки күн устата илин-кэлин түһүстүлэр.
Маннык улахан тэрээһин быйылгы дьыллаахха “Эр санаа” уордьан кавалера, кэллиэскэ үлэлээбит, “Саха сирин эрэлэ” бэлиэ хаһаайына Эдуард Карпов уонна кэллиэс выпускнига, “Эр санаа” уордьан кавалера, “Хорсунун иһин” мэтээл хаһаайына Альберт Авксентьев сырдык кэриэстэригэр анаан ыытылынна.
Дьокуускай куорат, Жатай, Чурапчы, Хаҥалас, Үөһээ Бүлүү, Бүлүү, Нам, Нерюнгри, Сунтаар улуустарын кэллиэстэрин, техникумнарын устудьуоннара тоҕуоруһа муһуннулар. Икки күн устата кинилэр сэттэ түһүмэхтээх моһоллору туораатылар, ол курдук бэйэлэрин сатабылларын, үөрүйэхтэрин стройдаан хаамыыга, буулдьанан саанан ытыыга, уопсай эт-хаан өттүнэн сайдыыларын, билии-көрүү тургутуктарын аастылар. Бүтэһик түмүктүүр чааһынан байыаннай эстафета уонна ханаат тардыһыыта буолла.
Күрэхтэһии түмүгүнэн, төрдүс миэстэҕэ “Айтыын” цифровой технология кэллиэһин байыаннай-патриотическай клуба таҕыста. Үһүс бочуоттаах миэстэҕэ Дьокуускайдааҕы тыа хаһаайыстыбатын техникумун “Патриот” БПК уонна иккис миэстэҕэ И.Е. Винокуров аатынан Намнааҕы педагогическай кэллиэс “Дьулус” БПК тигистилэр. Оттон бастакы миэстэни С.Ф. Гоголев аатынан Дьокуускайдааҕы педагогическай кэллиэс “Патриот” БПК ылла.
Оттон Гран при кубогын хаһаайынынан Чурапчытааҕы аграрнай-техническай кэллиэс устудьуоннара буоллулар. Инньэ гынан биһиги оройуоммут устудьуоннара үһүс төгүлүн чөмпүйүөн үрдүк аатын ылары ситистилэр. Бу иннинэ кинилэр 2021 уонна 2024 сыллаахха кыайыылаах аатын ылбыттарын өйдүүбүт.
“Бастыҥ хамандыыр” – И.Е. Винокуров аатынан Намнааҕы педагогическай кэллиэс устудьуона Саарын Захаров;
“Саамай эдэр уол кыттааччы” – Нерюнгритааҕы медицинскэй кэллиэс устудьуона Андрей Куликов;
“Саамай эдэр кыыс кыттааччы” – Жатай техникумун устудьуона Татьяна Петрова;
“Бастыҥ салайааччы” – “Айтыын” цифровой технология кэллиэһин уһуйааччыта Алгыс Сивцев;
“Автоматы ыһыыга-хомуйууга” – 1 миэстэ Дьокуускайтан техникумун “Патриот” клуб, 2 миэстэ Дьокуускай кэллиэһин “Патриот” клуба, 3 миэстэ “Орион” клуб;
“Автомат маҕаһыынын иитиигэ” – 1 миэстэ “Доблесть” клуб, 2 миэстэ “Орион” клуб, 3 миэстэ – “Патриот” клуб;
“Буулдьа саанан ытыыга” – 1 миэстэ – “Доблесть” клуб, 2 миэстэ “Хорсун” клуб, 3 миэстэ “Орион” клуб;
“Автомат маҕаһыынын иитиигэ” анал номинация хаһаайына – Чурапчытааҕы кэллиэс устудьуона Михаил Степанов буолла уонна бойобуой дьайыы бэтэрээннэрэ Александр Саввин, Иван Адамов илиилэриттэн эрэһиинэ тыыны ылла;
“Автоматы ыһыыга-хомуйууга бастыҥ” номинация – Дьокуускайдааҕы тыа хаһаайыстыбатын техникумун устудьуона Рустам Васильев;
“Бэргэн ытааччы” номинация – “Айтыын” устудьуона Андриан Винокуров;
“Кыргыттарга бэргэн ытааччы” номинация – Чурапчы кэллиэһин устудьуона Анастасия Афанасьева;
“Перекладинаҕа хамнаныылар кыайыылаахтара” – 1 миэстэ Дьокуускай кэллиэһин устудьуона Константин Алексеев, 2 миэстэ Дьокуускай кэллиэһин устудьуона Владимир Федоров, 3 миэстэ Дьокуускай техникумун устудьуона Андрей Аленов;
“Ис былдьыҥыны хачайдааһыҥҥа кыайыылаахтар” – 1 миэстэ Дьокуускай кэллиэһин устудьуона Нелли Захарова, 2 миэстэ Нам кэллиэһин устудьуона Кристина Макарова, 3 миэстэ – Чурапчы кэллиэһин устудьуона Милена Николаева;
“Стройдаан хаамыы кыайыылаахтара” – 1 миэстэ “Дьулус” клуб, 2 миэстэ – “Торнадо” клуб, 3 миэстэ – “Доблесть” клуб;
“Байыаннай эстафета кыайыылаахтара” – 1 миэстэ “Дьулус” клуб, 2 миэстэ “Хоһуун” клуб, 3 миэстэ “Патриот” клуб;
“Ханаат тардыһыытын кыайыылаахтара” – 1 миэстэ “Доблесть” клуб, 2 миэстэ “Патриот” клуб, 3 миэстэ “Хорсун” клуб;
“Уопсай эт-хаан өттүнэн бэлэмнээхтэринэн” – 1 миэстэ “Патриот” клуб, 2 миэстэ “Доблесть” клуб, 3 миэстэ “Дьулус” клуб;
“Интеллектуальнай чаас кыайыылаахтара” – 1 миэстэ “Вымпел” клуб, 2 миэстэ “Союз” клуб, 3 миэстэ “Торнадо” клуб;
“Хамаанда сомоҕолоһуута” номинация – “Поколение Z” Нерюнгритааҕы медицинскэй кэллиэс устудьуоннара;
“Буулдьа санаанан биирдиилээн ытыыга” – 1 миэстэ Дьокуускайтан Андриан Винокуров, 2 миэстэ Жатайтан Мичил Иванов, 3 миэстэ Бүлүүттэн Сардана Филиппова;
“Буулдьа санаан ытыы” түһүмэх кыайыылаахтара – 1 миэстэ Чурапчыттан Анастасия Афанасьева, 2 миэстэ Дьокуускайтан Кристина Доманина, 3 миэстэ Чурапчыттан Михаил Степанов;
“БПЛА” түһүмэх кыайыылаахтара – 1 миэстэ “Доблесть” клуб, 2 миэстэ “Патриот” клуб, 3 миэстэ “Дьулус” клуб, төрдүс анал бириискэ Артем Николаев тигистэ.
Сэмэн ЖЕНДРИНСКЭЙ