Хас сыл аайы бу боппуруос биһиги улууспутугар бэрт сытыытык турар, дьон-сэргэ ыйытыга үгүс. Кулун тутар 1 күнүттэн саҕалаан уоппутун улуус үрдүнэн сарсыардаттан хара киэһээҥҥи диэри араара сылдьан бараннар аны “сарсыҥҥыттан ылата, кулун тутар 19-с күнүгэр диэри уоту ылан бүттүлэр” диэн сурах социальнай ситими биир гына толордо.
Биһиги эрэдээксийэбит бу сурах төһө чахчытын билээри, улуустааҕы биир кэлим диспетчерскэй сулууспаҕа төлөпүөннээн туоһуластыбыт. Онно иһитиннэрбиттэринэн, бу сурах төрдө оруннаах буолан таҕыста, уот барбат биричиинэтэ чопчу ыйыллыбата эрээри, “кулун тутар 19 күнүгэр диэри улуус үрдүнэн уоту араарыы быстах кэмҥэ тохтотулунна, сотору кэминэн саҥаттан график оҥоһулуннаҕына биллэрэн иһиэхпит” диэн хоруйдаатылар.
Онон кулун тутар 20 чыыһылатыгар диэри уоту араары графига ити аата кулун тутар 19-тан саҕалаан уһаан биэрэр диэн өйдүөхтээхпит.
“Саҥа олох” хаһыаты кытары бииргэ буолуҥ.
Сэмэн Жендринскэй