Байыаннай дьайыыга олохторун толук уурбут, «Эр санааланыы» уордьан кавалердара, Чурапчытааҕы аграрнай-техническэй колледжка преподавателинэн үлэлээбит Эдуард Карпов уонна колледж выпускнига Альберт Авксентьев сырдык кэриэстэригэр анаммыт күрэхтэһии саҕаланна. Күрэхтэһии 2-с төгүлүн Чурапчыга ыытыллар.
Үөрүүлээх аһыллыыга улуус баһылыга Степан Саргыдаев, колледж дириэктэрэ Василий Гуляев, Эдуард Карпов уонна Альберт Авксентьев дьиэ кэргэттэрэ, о.д.а кыттыыны ыллылар, күрэхтэһээччилэргэ истиҥ тылларын анаатылар. Ыҥырыылаах ыалдьыттарынан байыаннай дьайыы кыттыылаахтара Николай Семенов, Павел Торговкин уонна Талбан Кириллов буоллулар. Павел Николаевич ыччаттарга кэс тылын эттэ.
Улуус баһылыга наҕараадалары туттарда
Барыта 18 орто үөрэх кыһатыттан кытта кэллилэр. Чурапчы чиэһин аграрнай-техническэй колледжтан “Доблесть” хамаанда көмүскүөҕэ. Сүрүн судьуйанан СӨ быыһыыр сулууспа уонна үөрэх туйгуна, байыаннай дьайыы бэтэрээнэ Михаил Ан үлэлиир.
Елена Макаринская