Физкультурник күнүн көрсө, Чурапчыга Нам улууһун «НамВел» кулууп 4 велосипедистара кэлэн ыалдьыттаатылар.
Алтай хааннаах,2008 сылтан Велотуризмынан утумнаахтык дьарыгырар экстремал веллер,оҕо аймаҕы велопоходка сырытыннарар,олус бэрткэ сахалыы саҥарар Олег Гаврильев салайан айаннаан кэллилэр.
Аара Чурапчы улууһун границатыгар,палатка тардан,хонон,айаннарын Чурапчыга түмүктээн,сыалларын этэҥҥэ ситистилэр.
Мугудайга кэлбиттэригэр «Дьулуур» велокулууп салайааччыта Анна Николаевна Пермякованы кытта Чурапчы велосипедистара көрүстүлэр.
Чурапчыга киириигэ, Алтан Сэргэҕэ ыалдьыттарбытын кымыстаах алаадьылаах көрсүү сиэрэ туома тэрилиннэ.
Биир ыалдьыппыт хомуска оонньообута бэрт долгутуулаах түгэни үөскэттэ.
Бэрт истиҥ билсиһии буолла. Биир санаалаахтар сүбэлэһэн баран,Нам сиригэр өссө киэҥ таһымнаах Горнай, Уус Алдан велокулууптарын түмэн,бастакы слёту тэрийиэххэ диэн буолла. Сүрүннээн велопоход,велотуризм,велопробег велоспорт сайдыытын киэҥ эйгэҕэ таһаарар санааттан. Оҕо аймах сайыҥҥы өттүгэр велопоход, велотуризм курдук дьарыктаах буолалларыгар баҕа санаа үгүс.
Бу көрсүһүү Ангелина Иннокентьевна Петрова быһаччы көмөтүнэн тэрилиннэ.
Санатан эттэххэ, Ангелина дьүөгэтин Ольганы кытары Дьокуускай-Мииринэй бэлэсэпиэт тэбэн тиийбиттэрэ(07.07.24-21.07.24. 1200км).
Николай Крылов