Чурапчы сэлиэнньэтигэр 2010 сыл балаҕан ыйыгар Арчы дьиэтэ үлэҕэ киирбитэ. Саха норуотун нэһилиэстибэтин тилиннэриигэ, саха фольклорун үгэстэрин сайыннарыыга туһаайан үлэтин ыыппытынан барбыта.
Сүрүннээччинэн, салайааччынан бу дьиэ дириэктэрэ Надежда Михайловна Заболоцкая буолбута. Араас куруһуоктар үлэлэрин саҕалаабыттара. Билигин бу дьиэ иһинэн 16 куруһуок үлэлиир. Ол курдук иис араас көрүҥнэригэр, сиэлинэн өрүүгэ, хомуска, фольклорга, о. д. а. элбэх киһи дьарыктанар.
Кырдьаҕастар хордарын куруһуога Арчы дьиэтэ үлэҕэ киириэҕиттэн тэрээһиннээхтик үлэлиир. Араас куонкурустар, көрүүлэр кыайыылаахтара. Хормейстерынан Дария Гаврильевна Жиркова үлэлээбитэ, билигин Светлана Петровна Аммосова салайар. Баяниһынан Спиридон Гаврильевич Готовцев өр кэмҥэ ситиһиилээхтик үлэлээбитэ.
Быйыл бу хор тэриллибитэ 15 сылын туолар. Үбүлүөйдээх дьаһал ыытыллыытыгар бэлэмнэнэллэр. Дириннээҕи народнай хортан Николай Романович Кириллин баянистыыр. Хор ырыата дьиэрэйэр.
Алексей СЛЕПЦОВ