«Боотур Уус» стадион волейбол былаһааккатыгар аан бастакытын кэрэ аҥардарга «Хаарга волейбол» күрэҕэ буолан ааста. Барыта 8 хамаанда икки бөлөххө арахсан күөн көрүстүлэр.
Тыҥааһыннаах оонньуу түмүгүнэн «Чурапчы» (Бродникова Арина, Горохова Наташа, Яковлева Сандаара) хамаанадата бастаата, иккис миэстэ Дьокуускай куораттан «Хотой» волейбол клуба (Степанова Евдокия , Кохан Александра, Борисова Лилиана), үһүс миэстэ «Олимп» (Горохова Ира, Никулина Саша, Кузьмина Вилена, Протопопова Айта) буоллулар.
Күрэх түмүгүнэн анал ааттар турнир чаҕылхай оонньооччуларыгар туттарылыннылар. Ол курдук «Лучший игрок» — Степанова Евдокия, «Лучший нападающий» — Горохова Наташа, «Лучший защитник» — Горохова Ира, «Лучший связующий» — Ньургуйаана Саввина, «Лучший капитан» — Александра Корякина, «Полезный игрок» — Юлия Сысолятина, «Перспективный игрок» — Афанасьева Алина, «За Волю к победе» — Егорова Аннет.
Турнир үрдүк таһымнаахтык ыытыллыбытыгар көмөлөспүт — өйөөбүт тэрилтэлэргэ, чуолаан Чурапчы волейбол федерациятын салайааччытыгар А.Л. Бурцевка, ЧГИФКСИ ректорыгар И.И. Готовцевка, А.К. Софронов аатынан КСК директорыгар М.М. Степановка, волейболу аргыс оҥостубут, сүүрбүт-көппүт кыргыттарга, волонтердарга улахан махталбытын тиэрдэбит!
Наталья Александрова