Бэлиэ күҥҥэ улууспут бастыҥ дьиэ кэргэттэрин чиэстээтилэр. Улуус баһылыгын солбуйааччыта, дьаһалта аппаратын салайааччыта Алексей Лобанов, Чурапчы нэһилиэгин баһылыга Владимир Сивцев эҕэрдэ тылларын эттилэр.
«Таптал уонна бэриниилээх буолуу», «Дьиэ кэргэн килбиэнэ» бэлиэлэри уонна 50 сыл бииргэ олорбуттарынан 50 тыһ солк сэртипикээти Соловьевтан Христина уонна Михаил Николаевтар, маннык бэлиэлэри Чурапчыттан Светлана уонна Григорий Васильевтар, Мугудайтан Мария уонна Тарас Оконешниковтар туттулар.
«Таптал уонна бэриниилээх буолуу» бэлиэнэн Чурапчыттан Татьяна уонна Александр Антипиннар, Александра уонна Иван Дьячковскайдар, Мугудайтан Евдокия уонна Илья Дьячковскайдар, Төлөйтөн Ульяна уонна Афанасий Лаврентьевтар наҕараадаланнылар.
50 сыл бииргэ олорбут Алаҕартан Зинаида уонна Василий Лыткиннарга, Хоптоҕоттон Фекла уонна Иван Васильевтарга, Хатылыттан Аграфена уонна Анатолий Константиновтарга 50 тыһ солк сэртипикээттэр ананнылар.
«СӨ бастыҥ ыала» өрөспүүбүлүкэтээҕи куонкурус кыттыылаахтарын Болугуртан Людмила уонна Трофим Лыткиннары, Мугудайтан Мария уонна Тарас Оконешниковтары, Болугуртан Анна уонна Афанасий Петровтары, Чурапчыттан Варвара уонна Эдуард Федоровтары, Хадаартан Перизат уонна Николай Дьячковскайдары, Бахсыттан Күннэй уонна Дьулустан Пестряковтары, Чурапчыттан Мария уонна Иннокентий Поисеевтары, Төлөйтөн Александра уоанна Александр Максимовтары чиэстээтилэр.
Аҕа оруолун үрдэтиигэ уонна дьиэ кэргэн үнүстүүтэ бөҕөргүүрүгэр кылаатын иһин «Чурапчы нэһилиэгин үтүөлээх аҕата» бэлиэни Николай Макаров тутта.
Үөрүүлээх күҥҥэ сөп түбэһиннэрэн, бастакы оҕолорун күн сиригэр көрдөрбүт эдэр ийэлэргэ улуус аатыттан сэртипикээттэри туттардылар.
Бырааһынньык кыттыылаахтарын, наҕараадаламмыттары Сайаана Брызгаева, Максимовтар дьиэ кэргэн ылбаҕай ырыаларынан эҕэрдэлээтилэр.
Елена Макаринская
Наталья Сибирякова видеота