Дойдубут Бэрэсидьиэн Владимир Путин үүнэн эрэр 2025 сылы Арассыыйаҕа Аҕа дойдуну көмүскээччилэр сылларынан биллэрдэ.
Владимир Владимирович Судаарыстыбаннай Сэбиэт мунньаҕар, кэлэр сылга Аҕа дойду Улуу сэриитигэр Кыайыы 80 сылын бэлиэтиэхпит диэн өссө төгүл санатта.
“Итинэн сибээстээн үүнэр дьылы, анал байыаннай дьайыы кыттыылаахтарын чиэһигэр уонна өбүгэлэрбит хорсун быһыыларын санаан туран 2025 сылы Аҕа дойдуну көмүскээччилэр сылларынан биллэрэргэ”, — диэн Путин эттэ.
Ити иннинэ СӨ Ил Дархана Айсен Николаев, сылын аайы ыытыллар Ил Түмэн Судаарыстыбаннай мунньаҕын ыҥырыытыгар, үүнэн иһэр 2025 сылы Саха сиригэр – Дойдуну көмүскээччи сылынан биллэрбитэ.
“Билигин биһиги ортобутугар, кыргыһыы хонуутугар Дойдуну дьоруойдуу көмүскэспит 9 Аҕа дойду Улуу сэриитин кыттыылааҕа олорор. Оттон бу бүгүҥҥү дьаһалбытыгар бааллар анал байыаннай дьайыы кыттыылаахтара – Арассыыйа Дьоруойдара, Эр санаа уордьан кавалердара, “Хорсунун иһин” уонна “Бойобуой үтүөлэрин иһин” мэтээл хаһаайыттара. Бүгүн манна бааллар биһиги инники буойуттарбыт – эдэркээн кадеттар. Бу манна түмүллэр – Дойду көмүскэлигэр күн бүгүнүгэр диэри чиҥник турар, биһиги сахалар, көлүөнэн быстыбат сибээспит! Ол инниттэн, бу дириҥ сибээспитин өссө күүһүрдээри, патриотизм дьиҥ өйдөбүлэ өссө улахан оруолу ыларын туһгарн, Саха сиригэр 2025 сылы Дойдуну көмүскээччи сылынан биллэрэбин”, — диэн Айсен Николаев эттэ.
Онтон Чурапчы улууһугар үүнэр 2025 дьыл туох сылынан биллэриллиэҕэй?
Сэмэн ЖЕНДРИНСКЭЙ