2025 сыл саҕаланыаҕыттан Саха сирин территориятыгар 2300-кэ бэйдиэ сылдьар ыты туттуллар. Итини таһынан пууннарга эбии 100-кэ ыты олохтоохтор бэйэлэрэ аҕаллылар диэн Саха сирин бэтэринэриийэҕэ Упрвлениета иһитиннэрэр.
Саамай элбэх бэйдиэ сылдьар ыты биллэн туран Дьокуускай куоракка туттулар – 1178, Нерюнгри куоратыгар – 431, Хаҥаласка – 72, Ньурбаҕа – 90, Өлүөхүмэҕэ – 87, Намҥа – 71, Чурапчыга – 61, Аллайыахаҕа – 58 онтон атын улуустарга 50-тан аҕыйах ахсааннаах ыттары туппуттара бэлиэтэнэр.
Тохсунньу ыйыттан саҕалаан СӨ КоАП 5.4 ыстатыйатыгар олоҕуран, дьиэтээҕи кыылы көрүүгэ-харайыыга көрүллүбүт быраабылалары кэспит хаһаайыттарга 452 боротокуол толоруллан уопсайа холбоон 607 тыһыынча 500 солкуобайга ыстарааптаннылар, оттон РФ КоАП 8.52 ыст. 3 чааһыгар олоҕуран (атын киһи доруобуйатыгар хоромньуну оҥоруу иһин) – 74 боротокуол толоруллан 690 тыһыынча солкуобайга ыстарааптаннылар.
Санатан эттэххэ, дьиэтээҕи кыылы көрүү-харайыы быраабылаларын тутуспат буолууга, СӨ Бырабыыталыстыбатын 237 нүөмэрдээх уурааҕар олоҕуран СӨ КоАп 5.4 ыстатыйатыгар сөп түбэһиннэрэн административнай эппиэккэ тардыллыахтарын сөп.
Маҥнайгы сырыыга, административнай ыстараап сууммата 2-3 тыһыынча солкуобай, иккистээн кэстэхтэринэ 4-5 тыһыынча солкуобай. Өскөтүн көрөр-харайар ыккыт атын киһи олоҕор итиэннэ доруобуйатыгар кутталы суоһаабыт, баайыгар-дуолугар улахан хоромньуну оҥорбут буоллаҕына РФ КоАП 8.52 ыстатыйатын 3 чааһыгар олоҕуран 10-30 тыһыынча солкуобайга диэри ыстарааптаныан сөп.
Бэлэмнээтэ Сэмэн ЖЕНДРИНСКЭЙ