«Чурапчы» ТХПК быйыл улууска биллэриллибит Олохтоох оҥорон таһаарыы сылын чэрчитинэн, саҥа бородууксуйалары оҥорон атыыга таһаарда. Ол курдук, дьэдьэннээх үүтүнэн коктейль, сибиинньэ сыатынан шпик уонна ыыһаммыт сибиинньэ этэ. 4%-х греческай йогурт икки көрүҥэ: биирэ — минньигэс, биирэ — салаакка туттарга аналлаах. Саҥа бородууксуйалары «Чурапчы» кэпэрэтиип фирменнай маҕаһыыннарыттан атыылаһыаххытын сөп.
Кэпэрэтиип бэрэссэдээтэлэ Николай Петров иһитиннэрэринэн, быйылгы сыл устата өссө да саҥа, сонун бородууксуйалары оҥорон таһаарар былааннаахтар. «Чурапчы» ТХПК-ҕа таһаарыылаах үлэни баҕарабыт.
Людмила Горохова.