Чурапчы улууһун дьаһалтата, 2026 сылга анаан бэдэрээлинэй суолталаах кадаастыр үлэлэрин толорорго сайаапка ыыппыта. Онуоха пилота суох көтөр аппарааттар бу нэдиэлэҕэ, Чурапчы улууһун үрдүнэн көтө сылдьан үлэлииллэрин туһунан СӨ “Роскадастр” публичнай-правовой хампаанньатын филиала иһитиннэрэр.
Дроннар Кындал, Кыстык Кугда, Үрэх Күөрэ, Улахан Күөл, Бэрэ, Дьаарылла, Оҕуһур, Хахыйах учаастактарыгар, Чурапчы нэһилиэгин итиэннэ Улахан Эбэ сирин-уотун ыксалаһар кыраныыссаларын, тутуллубут ону тэҥэ тутулла турар тутууларын, сирдэр уларыйыыларын, алдьаныыларын-кээһэниилэрин төһө кыалларынан кылгас кэм иһигэр толорутук бэлиэтэниэхтэрэ.
Инньэ гынан хампаанньа салалтата, олохтоох нэһилиэнньэ олохтоохторун дроннар чугаһынан, ырааҕынан көтөр кэмнэригэр бука баһаалыста куттаммаккытыгар итиэннэ муодарҕыы санаабаккытыгар көрдөһөллөр. Үлэ ыытыллар кэмигэр тулалыыр эйгэҕэ уонна тыынар тыыннаахха туох даҕаны хоромньуну оҥорботторун мэктиэлииллэр.
Сэмэн ЖЕНДРИНСКЭЙ