Сэтинньи 29-30 күннэригэр Дьокуускайга ыытыллыбыт өрөспүүбүлүкэтээҕи армрестлинг чемпионатыгар биһиги улууспутуттан 3 спортсмен кытынна. Чемпионат түмүгүнэн спортсменнарбыт үчүгэй киирсиини көрдөрдүлэр:
Михаил Кривошапкин 70 киилэҕэ (ПОДА) чемпион үрдүк аатын ылла.
Иван Хоютанов 70 киилэттэн үөһээ ыйааһыҥҥа (ПОДА) 2с миэстэни ылан, үрүҥ көмүс призер буолла.
Василий Филиппов 65 киилэҕэ диэри ыйааһыҥҥа чэгиэн доруобуйалаахтарга боруонса призерунан буолла.
Спорт бэтэрээнэ Михаил Кривошапкин бу көрүҥҥэ өрөспүүбүлүкэҕэ иккис төгүлүн чемпионнаан, кыайыыга, ситиһиигэ дьулуһуута эдэрдэргэ үтүө холобур буолла. Кини бу күннэргэ өрөспүүбүлүкэ хамаандатын састаабыгар киирэн, Москваҕа армрестлиҥҥа норуоттар икки ардыларынааҕы турнирга кыттыаҕа.
Улуус хамаандата маннык үрдүк көрдөрүүлэри ситиһэригэр тириэньэр Гаврил Константинов элбэх сыратын уурда. Киниэхэ адаптивнай спорт Федерациятын аатыттан махтанабыт.
Иннокентий Матвеев.