Билиҥҥи кэмҥэ эдэр дьон инники идэлэрин сөпкө быһаарынан, эрдэттэн сыал-сорук туруорунан үөрэнэллэрэ кэрэхсэбиллээх. Биир оннук чаҕылхай ыччатынан биир дойдулаахпыт, Чурапчы кыыһа Ольга Иванова буолар. Кини манна күн сирин көрөн, дьоллоох оҕо сааһа хатыҥнардаах-чараҥнардаах Чурапчытыгар ааспыта. Д.П.Коркин аатынан өрөспүүбүлүкэтээҕи спортивнай интернат-оскуолаҕа үөрэнэ сылдьан Ольга номнуо АЛРОСА хампаанньаҕа үлэлии киирэрдии бэйэтигэр сорук туруорунан, үрдүк үөрэҕин бүтэрээт даҕаны Мииринэй куоракка тиийэн олохсуйбута. Күн бүгүн кини АЛРОСА хампаанньа биир тутаах исписэлииһинэн үлэлии-хамсыы, айа-тута , ону тэҥэ социальнай ситимнэргэ Сахабыт сиригэр, төрөөбүт дойдубутугар тапталбытын өссө күүһүрдэр, билбэт дьоҥҥо билиһиннэрэр олус диэн интэриэһинэй блогун сайыннара сылдьарын көрөн үөрэ, киэн тутта санаатым. Ольганы кытта кэпсэтиини сиһилии видеоҕа көрүҥ.
Наталья Сибирякова, ааптар видеота