Улуустааҕы дьарыктаах буолуу киинэ үлэтэ суох олохтоохтору анал үөрэхтэргэ ыҥырар. Ол курдук, олунньу 6 күнүгэр диэри 4-с уонна 6-с разряттаах харабыл идэтигэр докумуоннары тутар. Маны таһынан булдьозер, экскаватор машиниһын, «Д» категориялаах погрузчик суоппар, ону сэргэ суолу тутар тиэхиньикэлэри уонна тыраахтардары өрөмүөннүүр слесарь идэлэригэр сайаапканы олунньу 8 күнүгэр диэри ылаллар. Онтон БелАЗ суоппарын идэтигэр кулун тутар 11 күнүгэр диэри докумуоннары тутуохтара.
Софрон Осипов, киин салайааччыта:
— Үлэ көрдөнөр дьоҥҥо анаан быйылгы, саҥа сылга бастакы кыбаарталга алта босхо үөрэх үлэтин саҕалаатыбыт. Сүрүн ирдэбилинэн үлэ көрдөнөөччүлэр учуоттарыгр туруу буолар. Маны сэргэ үлэҕэ ылыан сөптөөх тэрилтэ сайаапката наада. Үөрэх түмүгүнэн свидетельстволар туттарыллыахтара.
Үөрэхтэр тустарынан сиһилии кииҥҥэ тиийэн билсиэххитин сөп, аадырыһа Ленин уул. 35а.
Марфа Петрова.