Алаҕарга саха бала5ана тутуллан, дэриэбинэ олоҕор саҥа сүүрээн киирэн, сэргэхсийэн олоробут. Саха киһитэ санаата сааһыланар,уоскуйан олоро туһэр ис киирбэх оҥоһуулаах балаҕан норуот күүһүнэн тутуллан киирбитэ. Онон үлэни барытын иилиир-саҕалыыр киһибитиигэр—нэһилиэкпит баһылыгар Иван Оконешниковка махталбыт улахан. Нэһилиэк бэтэрээннэрин түмсүүтэ саҥа балаҕаҥҥа үөрэ-көтө мустар.
Күн бэҕэһээ көмүлүөк тигинэччи умайар суоһугар, үүттээх итии чэйдээх сандалы тула олордубут. Түмсүүбүт салайааччыта Т.В.Герасимова үлэни, былааны билиһиннэрдэ, ол кэннэ нэһилиэкпит бибилэтиэкэрэ С.Е.Протодьяконова » Уһун үйэлэнии кистэлэҥэ » диэн информация күнүн тэрийэн ыытта. Манна салалта исписэлиистэрэ П.И. Ефимова, социальнай үлэһит Н.М . Лыткина уонна бырааспыт Т. В . Эверстова кыттыыны ыллылар. Нэһилиэкпит кырдьаҕастара оһуохайдаан, араас оонньууларга кыттан, үөрэн-көтөн тарҕастыбыт.
Аксинья Попова, Алаҕар нэһлиэгэ. Ааптар хаартыскалара