Мотя төрөппүттэрэ эрдэ өлөн кыра эрдэҕиттэн үлэҕэ-хамнаска эриллэн үөскээбитэ. Убайыгар олорон столярнай столярнай сыахха үлэлии-үлэлии 1962 сыллаахха киэһээҥи оскуола ахсыс кылааһын бүтэрбитэ.
Ити кэнниттэн аймахтарын сүбэтинэн Дьокуускайдааҕы 28 нүөмэрдээх ГПТУ-ҕа үөрэнэ киирбитэ. 1964 сыллаахха училищены ситиһиилээхтик бүтэрэн Чурапчы оройуонун пробкомбинатыгар үлэҕэ ананан кэлбитэ.
Бастаан кэллэҕин утаа элбэх ыарахаттары көрсүбүтэ. Онно эбии төрөөбүт-үөскээбит Үөһээ Бүлүүтүгэр ахтылҕана ааһан биэрбэт этэ. Бииргэ үлэлиир дьоно бу кыысчаан хайдах столяр идэтин талан ылбытын муодарҕыы, бэккиһии көрөллөрө. Кыыс ыарахаттартан толлон турбакка, туһааннаах үлэтигэр хара маҥнайгыттан үтүө суобастаахтык ылсыбыта.
Ол кэмтэн ыла уонтан тахса сыл ааспыта. Матрена Местникова оройуоннааҕы промкомбинат биир бастыҥ үлэһитинэн буолбута. Бэйэтин таптыыр идэтигэр эдэр ыччаттары уһуйан үөрэтэрэ. Дьон-норуот үрдүк итэҕэлин ылан үбүлүөйдээх дьылга 39 нүөмэрдээх Оробуочайдааҕы быыбардыыр уокурукка Чурапчы олохтоох Сэбиэтин дьокутаатынан биир санаанан талыллыбыта.
Матрена Титовна түөрт оҕо амарах ийэтэ, дьиэ кэргэн бас-көс киһитэ буолбута. Кини мэлдьи үлэтин кыайыылаахтык, үчүгэй хаачыстыбалаахтык толорорго кыһанара, ыйдааҕы былаанын куруук 40-50 бырыһыан аһара толорон бастыҥнар кэккэлэригэр сылдьара.
Сэмэн ЖЕНДРИНСКЭЙ