Урукку Эрили Эристиин аатынан колхуос ыанньыксыта П.О. Дмитриева 1959 сыллаахха биирдии фуражнай ынахтан 2750-нуу киилэ үүтү ыан, оройуоҥҥа бастакы улахан рекорду олохтообута.
Ити көрдөрүүнү тупсарарга 14 сыл наада буолбута. Ону Агафья Кузьмина ситиспитэ. Киниэхэ сыһыарыллыбыт хас биирдии ынаҕыттан 3151-дии киилэ ылан, Бүтүн Сойуустааҕы социалистическай куоталаһыы тэнийбит. 1973 сылга саҥа рекорду айааччынан буолбута.
Тохсус пятилетка төрдүс, тутаах сылыгар хомуньуус Агафья Тарасовна салайар “Юбилейнай” ыччат хомсомуолун ферматын кэлэктиибэ ынах ахсыттан үүтү ыаһына 2600 киилэҕэ тиэрдэн, хардары былаанын эрэллээхтик аһара толорбута. Оттон Агафья Кузьмина бэйэтэ хас биирдии фуражнай ынахтан 4098-тыы киилэни ыан, 1974 сыллаахха эрдэ олохтообут рекордун куоһаран 947 киилэнэн аһарбыта, оройуон ЧӨМПҮЙҮӨН-РЕКОРДСМЕН ЫАННЬЫКСЫТЫН бочуоттаах аатын сүкпүтэ.
Агафья Тарасовна ыанньыксыттар өрөспүүбүлүкэтээҕи куоталаһыыларыгар иккис миэстэлэммитэ. Оттон биэс сыллаах былаанын үүтү валовойунан ыаһыҥҥа, 140 центнеринэн, биир фуражнай ынахтан ылыыга 1108 киилэнэн аһаран 4 сыл иһинэн толорбута. Кини айымньылаах үлэтэ үрдүктүк сыаналаммыта: Ленинскэй үбүлүөйүнэй мэтээлинэн, Үлэ Кыһыл Знамята уордьанынан наҕараадаламмыта. Кини дьонун-сэргэтин үрдүк ытыктабылын ылыан ылбыта. Үлэһиттэр дьокутааттарын оройуоннааҕы Сэбиэтин дьокутаатын быһыытынан үгүс өрүттээх уопсастыбаннай үлэни ыыппыта. Оройуон 1974 сыллааҕы чөмпүйүөн уонна рекордсмен ферматын старшайа, эдэрдэр кэлэктииптэрин дьиҥнээх настаабынньыга этэ.
ССКП обкомун чилиэнэ, Саха АССР норуотун хаһаайыстыбатын үтүөлээх үлэһитэ Агафья Тарасовна Кузьмина ити сылга туруоруммут, хас биирдии фуражнай ынахтан 4150-нуу киилэ үүтү ылар соруктарын эрэллээхтик толорбута.
Бэлэмнээтэ Сэмэн Жендринскэй