Кулун тутар 15-17 күннэригрэ Дойду үрдүнэн Арассыыйа Бэрэсидьиэнин быыбара ыытыллар.
Бүгүн сарсыарда 8 чааска Чурапчы улууһугар 29 быыбардыыр учаастак аһыллан, үлэ саҕаланна. Нэһилиэнньэ кэлиитэ көхтөөх.
Биир бастакынан, бэйэтин учаастагар гражданскай иэһин толоро, Е.А. Борисов аатынан бибилэтиэкэ-архыып дириэктэрэ Вера Платонова кэллэ.
Вера Аполлоновна: «Бүгүн Дойдубут дьылҕатын быһаарар олус эппиэтинэстээх быыбар күннэрэ саҕаланнылар. Онон биир дойдулаахтарбын, Чурапчыбыт олохтоохторун быыбардыыр учаастактарга кэлэн, дойдубут инники кэскилин быһаарар быыбарга көхтөөхтүк кыттыҥ», — диэн ыҥырар.
Людмила Горохова