Чурапчы улууһуттан А.П. Гоголев аатынан Чурапчытааҕы оҕо искусствотын оскуолатын А.А. Гуляева уонна К.М. Кириллина салайааччылардаах хореографическай салаа 4-5 кылааһын үөрэнээччилэрэ хотугулуу «Северные ритмы» үҥкүүнү (сал. А.А.Гуляева) уонна сахалыы «Дэгэрэҥ» үҥкүүнү ( сал. К.М. Кириллина) дьүүллүүр сүбэ иннигэр көрдөрдүлэр.
Кыргыттар аан бастакыларын итинник улахан күрэххэ кыттар буолан, долгуйуулара да, үөрүүлэрэ да үгүс. Ол эрэн, оҕолор ааттаах- суоллаах коллективтары кытта тэҥҥэ үөрэ-көтө үҥкүүлэрин көрдөрөн, дьүүллүүр сүбэттэн биһирэбил тылларын истэн астыннылар. Күрэх бастакы түһүмэҕин кэннэ биһиги үҥкүүһүттэрбит гала-концертка кыттан, «Северные мотивы» үҥкүү 2-с степеннээх дипломунан, оттон «Дэгэрэҥ» үҥкүү 3-с степеннээх лауреат ааттары ылан, оскуолаларын аатын ааттатан, оҕолорбут үөрүүлэрэ өссө үрдээтэ.
Күрэх быйыл 16-с төгүлүн ыытыллар буолан, тэрээһинэ олус үчүгэй уонна ураты диэн кыттааччылар бэлиэтээтилэр. Дьүүллүүр сүбэ барыта 30 үҥкүүнү сыаналаата. Тыҥааһыннаах күрэххэ бастыҥтан бастыҥнар мустан, араас туруоруулары көрдөрдүлэр. Элбэххэ үөрэнэн, билиини эбинэн, атын коллективтары көрөн, бэйэбитин көрдөрөн кэллибит.
Күрэххэ бэлэмнэнии, тэрээһин үлэтигэр күүс-көмө буолбут оскуолабыт салалтатыгар уонна өрүү бүоларын курдук төрөппүттэрбитигэр истиҥ махтал тылларын тиэрдэбит.
А.А. Гуляева, А.П. Гоголев аатынан оҕо искусствотын хореографияҕа преподавателэ