Улахан Күөлгэ спортивнай саалабытыгар капитальнай өрөмүөн ыытыллан, ситэн-хотон үлэҕэ киирбитин бэлиэтиир үөрүүлээх түгэн буолла.
Улууспут баһылыга Степан Саргыдаев, улуустааҕы үөрэх салалтатын начаалынньыга Юрий Посельскай, нэһилиэк баһылыга Егор Макаров, улууспут депутата Василий Платонов көмөлөрүнэн бу сайыҥҥыттан муостатын көтүрэн, саҥа бетон муостаны кутан, ититэр систематын саҥалыы таттаран, кырааскатын саҥардан улахан үлэ барда. Үлэни олохтоох биригээдэ ыытта. Онон олохтоохтор махталбыт улахан.
Саала аһыллар дьоро киэһэтигэр үлэлэспит дьоммутугар махтал суруктар, сэмэй бэлэхтэр туттарылыннылар, элбэх эҕэрдэ тыллара этилиннилэр.
Бу үөрүүлээх киэһэҕэ чугастааҕы Сылаҥ, Кытаанах, Бахсы нэһилиэктэриттэн хамаандалар кэлэн, волейболга табаарыстыы көрсүһүү ыытылынна. Кыргыттарга Улахан Күөл, уолаттарга Бахсы хамаандалара бастаан, үөрүү өрөгөйүн биллилэр.
Онон саалабыт аана тэлэччи аһыллан, мантан саас элбэх күрэхтэһиини кэтэһэбит.
Любовь Трофимова, Улахан Күөл