Биһиги Улахан Күөлбүтүттэн икки ыччаппыт Николай Макаров уонна Афанасий Трофимов дойдуга буола турар балаһыанньаны өйдөөн, байыаннай дьайыыга баран, ытык иэстэрин толоро сылдьаллар. Соторутааҕыта иккиэн уоппускаларын туһанан, дойдуларыгар кэлэн сынньанан, күүс ылынан бардылар.
Дойдуларыгар бэриниилээх ыччаттарбытынан биһиги киэн туттабыт, этэҥҥэ дойдуларыгар эргиллэн кэлэллэригэр баҕарабыт, алгыы хаалабыт.
Кинилэр төрөппүттэригэр бөһүөлэкпит эдэр ыччаттара күүс-көмө, өйөбүл буолаллар. Соторутааҕыта муустарын уган субуотунньуктаатылар.
Биир дойдулаахпыт, элбэх оҕо ийэтэ, эбэтэ Людмила Трофимова былырыыҥҥыттан Дьокуускайга байыаннай дьайыыга сылдьааччыларга таҥас тигиитигэр иистэнэ, кыайыы туһугар бэйэтин кылаатын киллэрсэ сылдьар. Биир дойдулаахтарын бэйэтэ тикпит спецтаҥастарын кэтэрдэн атаартаата. Онон Людмила Николаевнаҕа махталбытын тиэрдэбит, бары үчүгэйи баҕарабыт.
Любовь Трофимова, Улахан Күөл