“Үс төгүл үс” успуорт национальнай көрүҥнэригэр улуус чөмпүйэнээтэ бүгүн, икки күнүн Александр Федотов аатынан успуорт уораҕайыгар ыытыллан түмүктэннэ. Күрэхтэһии, СӨ физкултуурунай хамсааһын 100 итиэннэ СССР физическэй култуураҕа туйгуна, Саха АССР култууратын үтүөлээх үлэһитэ, “Урожай” ДСО Бочуоттаах чилиэнэ Афанасий Софронов төрөөбүтэ 95 сылыгар ананан ыытылынна.
Санатар эбит буоллахха, чөмпүйэнээккэ барыта холбоон 14 ыспарсымыан суруттарбыта, ол курдук Алаҕар нэһилиэгиттэн Айсен Елисеев, Арыылаах нэһилиэгиттэн Андрей Пугачев, Бахсы нэһилиэгиттэн Роберт Тарабукин, Болтоҥо нэһилиэгиттэн Иннокентий Попов, Болугур нэһилиэгиттэн Юрий Диодоров, Хоптоҕо нэһилиэгиттэн Георгий Пугачев, Мугудай нэһилиэгиттэн Константин Евсеев, Соловьев нэһилиэгиттэн Михаил Соловьев, Сылаҥ нэһилиэгиттэн Юрий Семенов, Төлөй нэһилиэгиттэн Юрий Копырин, Хадаар нэһилиэгиттэн Станислав Андросов, Хатылы нэһилиэгиттэн Рустам Барашков, Кытаанах нэһилиэгиттэн Петр Бабиченко, Чурапчы нэһилиэгиттэн Владимир Арьянов күөн көрүстүлэр.
Сүүрүү (400 миэтэрэ)
1 миэстэ – Михаил Соловьев (Мырыла);
2 миэстэ – Юрий Копырин (Төлөй);
3 миэстэ – Константин Евсеев (Мугудай);
4 миэстэ – Андрей Пугачев (Арыылаах);
5 миэстэ – Станислав Андросов (Хадаар).
Далла мэндэйии
1 миэстэ – Георгий Пугачев (Дириҥ);
2 миэстэ – Андрей Пугачев (Арыылаах);
3 миэстэ – Роберт Тарабукин (Бахсы);
4 миэстэ – Рустам Барашков (Хатылы);
5 миэстэ – Константин Евсеев (Мугудай).
Хапсаҕай
1 миэстэ – Юрий Копырин (Төлөй);
2 миэстэ – Андрей Пугачев (Арыылаах);
3 миэстэ – Айсен Елисеев (Алаҕар);
4 миэстэ – Рустам Барашков (Хатылы);
5 миэстэ – Юрий Диодоров (Мындаҕаайы).
Ыараханы көтөҕүү (100 киилэ ыйааһыннаах куул)
1 миэстэ – Юрий Копырин (Төлөй);
2 миэстэ – Айсен Елисеев (Алаҕар);
3 миэстэ – Станислав Андросов (Хадаар);
4 миэстэ – Георгий Пугачев (Дириҥ);
5 миэстэ – Петр Бабиченко (Кытаанах).
Икки күн түмүгүнэн
1 миэстэ – Юрий Копырин (Төлөй);
2 миэстэ – Андрей Пугачев (Арыылаах);
3 миэстэ – Георгий Пугачев (Дириҥ).
Дьэ ити курдук, улуус иһинээҕи чөмпүйэнээт олус чаҕылхайдык түмүктэннэ. Кыайыылаахтарга нэһилиэктэр баһылыктара уу харчынан итиэннэ бэдэрээссийэ аатыттан анал бириистэринэн наҕараадаланнылар. Улуус баһылыга Степан Саргыдаев уонна улуус дьокутааттарын Сэбиэтин, улууска национальнай көрүҥнэр бэдэрээссийэлэрин бэрэссэдээтэлэ Яков Оконешников өйөбүллэринэн улуус национальнай көрүҥнэригэр улахан болҕомто ууруллар. Бу уолаттартан аны сайын ыытыллар “Тоҕус томтор” Оонньууларыгар кыттааччылар хайаан даҕаны баар буолуохтара. Арыылаахтан ини-бии Андрей, Георгий Пугачевтар, Төлөйтөн Юрий Копырин, Бахсыттан Роберт Тарабукин, Хадаартан Станислав Андросов, Мугудайтан Константин Евсеев о.д.а. баалларын тухары Чурапчы улууһун ыспарсымыаннара өрүү оройуон чиэһин көмүскүү туруохтара. Бука барыларыгар инникитин даҕаны кыайыыны-хотууну баҕарабыт.
Сэмэн Жендринскэй