Төлөйгө сыл бастыҥнарын чиэстээтилэр

Чурапчы улууһун Төлөй нэһилиэгэр А.С.Бродников аатынан “Аартык” НАДь үгэскэ кубулуйбут “Сыл бастыҥнара-2024” тэрээһин тохсунньу 14 күнүгэр буолан ааста.

Тэрээһини нэһилиэк аҕа баһылыга Игорь Николаев бар дьонугар эҕэрдэтинэнэн саҕалаата. Игорь Владимирович үүммүт 2025 сылга баҕа санаатын нэһилиэгин  дьонугар-сэргэтигэр анаата.  Ол кэннэ төрөөбүт түөлбэлэрэ чэчирии сайдарын туһугар үтүө кылааты киллэрбиттэрин иһин,  “Төлөй нэһилиэгин Бочуоттаах олохтооҕо” анал бэлиэни З.Д.Дьячковскаяҕа, Е.С.Сивцевкэ, дьонун-сэргэтин ортотугар, үөрүүлээх быһыыга-майгыга туттарда.

Салгыы  күүтүүлээх түгэммит саҕаланна. Барыта 14 анал аат бэлиэтэннэ. Ол курдук ааспыт 2024 сыл бастыҥнарынан ааттаннылар:

  «Бастыҥ общественник» — Абрамов Владимир Владимирович (ТОО физкультураҕа учуутала, нэһилиэк спортивнай инстуктора)

  «Бастыҥ дьаһалта үлэһитэ» — Романова Елена Петровна (30 сыл устата Төлөй администрациятыгар тех персонал, Чуурапчытааҕы тыа хаһаайыстыбатын төһүү үлэһитэ, үүт тутааччыта)

  «Бастыҥ дьиэ-кэргэн» — Александра уонна Егор Поповтар (4 уол оҕолоох, кэтэх хаһаайыстыбалаах, бииргэ олорбуттара 30 сыла)

  «Бастыҥ түөлбэ» — «Сайдыы» салайааччы Нестерова Антонина Романовна

  «Культура бастыҥа» — Хоютанов Петр Петрович (“Үөрүү” Чурапчытааҕа эбии үөрэхтээһин киин муузукаҕа учуутала, “Ыллык” ВИА салайааччыта)

«Бастыҥ ОДьКХ үлэһитэ» — Максимов Александр Федосеевич (Элбэх оҕолоох ыал аҕа быһылыга, кэтэх хаһаайыстыбалаах, дьиэ кэргэнинэн “Макс” диэн чааһынай бэкээринэни үлэлэтэллэр)

«Бастыҥ ХЭТ «Дьулуур үлэһитэ»» — Дагданча Константин Сергеевич (элбэх оҕолоох ыал аҕата, дьону тиэйэр-таһар өҥөнү оҥорор)

«Оскуола бастыҥ учуутала» — Попова Елена Егоровна (Төлөй ОО саха тылын, литэрэтиирэтин учууталынан 30-тан тахса сыл үлэлээтэ)

«Оскуола бастыҥ үлэһитэ» — Тимофеева Мария Николаевна (Төлөй ОО түргэнник ситэр саҥа хайысханы сайыннарыыга ылсан, үлэтин ситиһиилээхтик саҕалаата)

«Уһуйаан бастыҥ иитээччитэ» — Крюкова Татьяна Афанасьевна (В.В.Смирников аатынан “Кустук” уһуйаан иитээччитэ, музыкальнай салайааччыта, түөлбэ, нэһилиэк күрэҕин, бэстибээлин хормейстера)

«Уһуйаан бастыҥ үлэһитэ» — Нестерова Елена Ивановна (В.В.Смирников аатынан “Кустук” уһуйаан үлэһитэ, түөлбэ, нэһилиэк олоҕор көхтөөх кыттааччы)

«Бастыҥ куруһуок «Өбүгэ ситимэ» — Гуляева Наталья Егоровна (Нэһилиэккэ “Туой тойуга” куруһуок салайааччыта, “Үөрүү” Чурапчытааҕа эбии үөрэхтээһин киинин үлэһитэ)

«Спорт бастыҥа» — Егорова Александра Александровна (В.В.Смирников аатынан “Кустук” уһуйаан үлэһитэ, элбэх оҕолоох ыал ийэтэ, нэһилиэк чиэһин спортивнай күрэхтэргэ элбэхтэ көмүскээбитэ, кыайыылааҕа)

«Бастыҥ тыа хаһаайыстыба» — Сивцев Егор Самсонович (Өр сылга Төлөй нэһилиэгэр тыа хаһаайыстыбатын үлэһитинэн, билигин Төлөй ОО агро-хайысхатын салайааччытынан үлэлиир)

Ити курдук, нэһилиэкпит араас хайсхатыгар таһаарыылаахтык үлэлии-хамсыы сылдьар туруу үлэһит дьоммутугар чэгиэн-чэбдик туругу, саҥаттан-саҥа дабайыылары, үрдүк чыпчааллары баҕарабыт.

Елена Попова.