Нэһилиэктэр икки ардыларынааҕы күрэхтэһиигэ барыта 14 нэһилиэктэн 116 кыттааччы кытынна. Түөрт бөлөҕүнэн дьахтар уонна эр киһи диэн арахсан оонньоотулар. Түмүккэ 1-кы миэстэни Төлөй, 2-һи Чурапчы уонна үсүһү Чакыр нэһилиэктэрэ ыллылар.
“Спортсменнар, инструктордар күрэхтэһии үрдүк таһымнаахтык барда диэн астыммыттарын эттилэр. Боротокуоллар куопуйалара ыйанан, судьуйалар үлэлэрэ элбэх остуолунан тохтоло суох ыытыллыбытын бэлиэтээтилэр. Судьуйа састаабыгар сэкирэтээринэн Айсена Гаврильевна, Тина Катакинова уонна Владимир Абрамов үлэлээтилэр. Секундант судьуйаларынан хабылыкка, хаамыскаҕа дьарыктана сылдьар, өрөспүүбүлүкэҕэ тиийэ күрэхтэспит оскуола оҕолоро көмөлөстүлэр”, — диэн федерация салайааччыта Андрей Деллохов кэпсиир.
Елена Макаринская