«Учитесь, пока другие спят, работайте пока другие отдыхают, будьте готовы, пока другие расслабляются и мечтайте, пока другие плачутся»
Уильям Артур Уорд, писатель-мотиватор
Бу тылларга дьүөрэлээн, үүммүт 2025 сылга үктэнэн баран, профессор Г.П. Башарин аатынан Сылаҥ орто оскуолатын үөрэнээччилэрэ саҥа сыал-сорук туруорунан, номнуо үлэлэрэ саҕаламмыта нэдиэлэ буолла.
Ол курдук, тохсунньу 4 күнүгэр көҥүл тустуу тренерэ Юрий Александрович Протодьяконов иитиллээччилэрин кытта Благовещенскай куоракка тимир суолунан сборга туруммуттара. Уопсайа 12, араас саастаах оҕолор дьарыктана бардылар.
«Троя» көҥүл тустуу спорткулуубун салайааччыта, тренер Арсен Алибекович Чихтисов ыҥырыытынан 14 чыыһылаҕа диэри дьарыкка сылдьаллар. Манна 150-тан тахса, араас омук оҕолорун кытта дьарыктанан, сайдан, таһымнарын үрдэтиигэ туһуламмыт үлэ ыытыллар.
Сыаллаах-соруктаах эдэркээн бөҕөстөрбүтүгэр ситиһиини баҕарабыт!
Зинаида Дьячковская. Чурапчы
Бэлэмнээтэ Сэмэн ЖЕНДРИНСКЭЙ