Бу күннэргэ Чурапчы улууһугар СӨ Бырабыыталыстыбата нэһилиэнньэ иннигэр отчуоттуу сылдьар. Отчуоттуур бөлөҕү биир дойдулаахпыт, СӨ Бырабыыталыстыбатын бэрэссэдээтэлин 1-кы солбуйааччыта Дьулустан Борисов салайар.
Бүгүн кини Чурапчы нэһилиэгэр тутулла турар социальнай эбийиэктэргэ, ол эбэтэр таас балыыһа иккис уочаратыгар, Егор Борисов аатынан архыып-бибилэтиэкэтигэр уонна Афанасий Софронов аатынан култуурунай-спортивнай кииҥҥэ сылдьан, үлэ-хамнас хайдах бара турарын көрдө-иһиттэ.
Ол иннинэ үөрэммит спортивнай интернат-оскуолатыгар, ЧГИФКСИ-гэ сырытта. ЧГИФКСИ устудьуоннарын кытта көрсөн, бэйэтин уонна олоххо көрүүлэрин туһунан кэпсээтэ.
Эбиэт кэнниттэн Дьулустан Борисов олохтоохтору кытта сирэй көрсүөҕэ уонна нэһилиэнньэҕэ Ситэриилээх былаас отчуотун иһитиннэриэҕэ.
Елена Макаринская