Сарсыҥҥыттан о.э. муус устар 16 күнүттэн Өлүөнэ эбэнэн айаннааччылары салгын сыттыктаах суудуналар 203-с микрооройуонтан таһыахтара (Ларионов уул., 16 дьиэ, «Парус» кэннигэр) диэн СИА иһитиннэрэр.
Айан сыаната Дьокуускай куораттан Аллараа Бэстээххэ диэри тимир суолун вокзалыгар («Хивус» + оптуобус) барыта холбоон 1800 солкуобай буолуоҕа.
Биэстэригэр диэри саастаах оҕолор (туспа миэстэни ылбакка) босхо айанныахтара, онтон 5-12 саастаахтарга билиэт сыанатын 50% төлүөхтэрэ.
Айанньыттар трансферга толуону пуойаска билиэти кытта тэҥҥэ ылыахтарын сөп (“РЖД” саайтыгар эбэтэр «АК «ЖДЯ» АУо каассаларыгар, Алдан, Томмот, Аллараа Бэстээх уонна Дьокуускай куорат вокзалларын каассаларыгар).
Трансферга толуону онлайн-сиэрбистэр уонна “РЖД” ААУо официальнай саайтарын нөҥүө ылыахха сөп.
Интэриэһиргиир ыйытыыларгытын 8(4112) 31-80-81 (доб. 7381) эрийэн билсиэххитин сөп.
Сэмэн Жендринскэй