Чурапчытааҕы үөрэх управлениетын иитэр үлэҕэ отделын кылаабынай исписэлииһэ Эрэл Аммосов кэпсээбитинэн, сайын бастакы аҥаарыгар Чурапчы улууһугар күнүскү сынньалаҥ лааҕырынан, 19 үөрэх тэрилтэтинэн 700 тахса оҕо хабыллыбыт, маны сэргэ 4 оҕо өрөспүүбүлүкэ тас өттүгэр Краснодарскай кыраай Сочи куоратын “ДОН” лааҕырыгар сынньанан кэлбит.
Билигин иккис симиэнэҕэ Чурапчы нэһилиэгин бары оскуолаларыгар, Мындаҕаайы “Кустук”, “Дабаан”, Дириҥҥэ, Мырылаҕа үлэлиир 25 күнүскү лааҕырга 500-кэ оҕо дуоһуйа сынньанар.
Бэлиэтээн эттэххэ Амма өрүс кытылыгар турар “Кустук” лааҕыр өрөмүөнүгэр үп-ас көрүллэн турар.
Сэмэн Жендринскэй