Александр Адамов Эрилик Эристиин аатынан сопхуос Чакырдааҕы отделениетын бастыҥ булчутунан биллэрэ.
Кини 1978 сыл сааһыгар В.И. Ленин төрөөбүтэ 109 сыла туолуутун көрсө пятилеткатааҕы сорудаҕын толорон уһулуччҥ үчүгэй ситиһиилэммитэ. Оттон сайынын комсомольскай-ыччат илиинэн оттуур звенону салайан социалистическай куоталаһыыга оройуоҥҥа бастаабыта.
Булт саҥа сезонугар сорсуннаах эдэр сонордьут IX пятилетка суотугар дойдуга өссө элбэх кылааннаах түүлээҕи туттарарга дьулуспута.
Кини олоҕор 1979 сыл умнуллубат суолу-ииһи хаалларбыта. Ол курдук, производство маяга ленинскэй комсомол кэккэтиттэн ССКП чилиэнигэр кандидакка тиийэ үүммүтэ, үлэҕэ ситиһиилэрин иһин ЫБСЛКС КК “Пятилетка эдэр гвардееһа” кыһыл көмүс знагынан наҕараадаламмыта.
Сэмэн ЖЕНДРИНСКЭЙ