Икки күн устата Кыайыы музейыгар үрдүк таһымнаах араас тэрээһиннэргэ сырыттыбыт. Бу улахан тэрээһиҥҥэ биһиги оскуолабыт маҥнайгытын кыттар. Егор Дмитриевич Макаров аатынан кыраайы үөрэтэр музей салайааччыта Клара Гаврильевна Макарова «Школьный музей. Взгляд в будущее» куонкуруска «Оскуола музейыгар кылаас чааһа» номинацияҕа Степан Кузьмич Макаров туһунан кылаас чааһын сценарийынан кыайан, ыҥырыы тутан, оҕолорго бу умнуллубат түгэни бэлэхтээтэ.
Съезд программатыгар экскурсиялар, проект оҥоруу, төгүрүк остуол тэрилиннэ. Улахан музейнай комплекска икки күн устата таһымнаах үлэ тэрилиннэ. Уопсайа араас регионтан 400 тахса кыттааччы баар.
«Школьный музей Победы» оҕо киинин салайааччыта Елена Сергеевна Слесаренконы кытта бииргэ үлэлииргэ дьоһуннаах кэпсэтии ыытылынна. Оскуола музейдара сайдарын туһугар өр сылларга үлэлиир-хамсыыр биир идэлээхтэрбитин кытта билсэн, санаа үллэстэн элбэх сонуну, саҥаны биллибит.
Зинаида Дьячковская,
Профессор Г.П.Башарин аатынан Сылаҥ орто оскуолатын география учуутала