Сылаҥ оскуолатын уран тарбахтаах иистэнньэҥ кэрэ аҥаардара балаклава тиктилэр. Оттон үлэ уруогун учуутала оҕолору кытта сахалыы эр киһи харысхалларын быһан оҥордулар.
Барыта холбоон 45 устуука балаклава, 45 устуука харысхал буолла. Бу барыта суһал штабка ыытылынна.
Оскуола уран тарбахтаах кыргыттара илиилэрин сылааһа уолаттары хайаан да араҥаччылыа, сахалыы ис хоһоонноох харысхаллар уолаттарбытыгар күүс сэниэ биэриэҕэ диэн эрэнэбит.
Аграфена Трофимова