Аҕа дойду Улуу сэриитин кыттыылааҕа, артиллерист Гавриил Дмитриевич Протодьяконовка анаммыт пааматынньыгы туруорууга былырыыҥҥыттан норуот күүһүнэн үп-харчы хомуллан саҕаламмыта.
Быйыл бу үлэни сүрүннүүр хамыыһыйаны тэрийэр туһунан улуус баһылыга Степан Саргыдаев 14 нүөмэрдээх дьаһала таҕыста.
Хамыыһыйаҕа улуус баһылыгын солбуйааччы Алексей Лобанов, үп салалтатын начаалынньыга Таисия Брызгаева, социальнай коммуникация отделын начаалынньыга Алена Пермякова, экономическай сайдыы салалтатын исписэлииһэ Анна Листикова, Олохтоох инициативалары өйүүр агентство дириэктэрэ Леонид Макаров, “Саҥа олох” хаһыат эрэдээктэрэ Людмила Горохова уонна Дьокуускайга олорор биир дойдулаахтарбытыттан Лена Кириллина киирдилэр.
Билиҥҥи туругунан, макета бигэргэнэн, боруонсанан кутуута саҕаланна. Биир дойдулаахтарбыт, эһиги эмиэ бу сигэнэн киирэн, сэмэй кылааккытын киллэриэххитин сөп.
Елена Макаринская