Бүгүн, Кириһиэнньэ күнүгэр, Болугур нэһилиэгин олохтоохторо сибэтиэй уунан эмтэнэр уонна ыраастанар кыахтаннылар. Бэҕэһээ, ахсынньы 18 күнүгэр, олохтоох дьаһалта үлэһиттэрэ Амма эбэҕэ тиийэн, ойбон алларбыттара.
— Сибитиэй ууну ыларга анаан Аммаҕа Мындаҕаайы-Бэс суола холбоһор сиригэр, Тайҕа төрдүн арыый аллара өттүнэр тиийэн уу баһар сирбитигэр ойбон аллардыбыт, бэлиэ астыбыт. Ким тиэхиньикэлээх онтон тиийэн уу баһан кэлиэҕэ. Бу билигин сыстыганнаах дьаҥ кэмигэр сибэтиэй уунан эмтэнэргэ, ыраастанарга анаан дьоммутугар-сэргэбитигэр сөптөөх усулуобуйаны тэрийдибит, — диэн олохтоох дьаһалта исписэлиистэрэ иһитиннэрдилэр.
Кырдьык, ыарыы-дьаҥ кэмигэр сибэтиэй ууну хаһаанан эмтэнии, ыраастаныы хаһааҥҥытааҕар да күүһүрдэ уонна инньэ гынан Мындаҕаайылар өйөбүллэринэн арааһа улууспут олохтоохторо сибэтиэй ууну хото хаһааныахтара турдаҕа.
Сэмэн ЖЕНДРИНСКЭЙ