Хайа баҕарар киһиэхэ үөрэммит оскуолата үйэтин тухары сырдык өйдөбүл буолан олоҕун арыаллыыр. Бииргэ үөрэммит доҕоттордуун көрсөр, оҕо саас кэмнэрин оскуола дьиэтигэр ахтыһар бу туһугар эмиэ үрдүк дьол. Ол курдук, Мугудай орто оскуолатын 45 сыл анараа өттүгэр бүтэрбит выпускниктар ахтылҕан тылларын этээри, үөрэппит учууталларыгар махтал тылларын анаары, эдэр ыччакка сүбэ-ама буолаары муһуннулар.
Махтал тылларынан санаан аастылар Я.Г. Павловы, 4-6 кылааска диэри кылаас салайааччылаабыт Мария Тарасовна Толстоуховаҕа, оскуоланы бүтэттэрбит Варвара Константиновна Еремееваҕа сибэкки дьөрбөтүн туттардылар. Эһээ, эбээ саастаах дьон учуутал биэрбит билиитинэн олох суолунан эрэллээхтик айаннаабыттарын, билии диэн бараммат баай буоларын оҕолорго эттилэр.
Елена Данилова, Мугудай