Алтынньы 13-16 күннэригэр Благовещенскай куоракка Россия дьоруойа Иван Цевун кэриэһигэр көҥүл тустууга аһаҕас турнир ыытылынна. Манна Саха сириттэн 60 оҕо кытынна, ол иһигэр Мугудай орто оскуолатыттан 7 үөрэнээччи күрэхтэһиигэ илин-кэлин түһүстүлэр.
Мугудайдар инники ыспартыыбынай эрэллэрбит бэйэлэрин кыахтарынан үчүгэйдик туһуннулар, онтон 7-с кылаас үөрэнээччитэ Арсен Варламов чемпион үрдүк аатын сүктэ, 6-с кылаас үөрэнээччитэ Талбан Охлопков 3-с миэстэни ылла. Уолаттары уонна тренер Егор Варламовы үрдүк ситиһиилэринэн эҕэрдэлиибит! Өссө үрдүк чыпчаалларга дабайалларыгар, саҥа кыайыыларга дьулуһалларыгар баҕарабыт!
Наталья Сибирякова