Мугудайга 100-тэн тахса киһи кэлэн, отчуоту иһиттэ. Ыйытыыларга сүрүннээн тыа хаһаайыстыбатыгар, киин балыыһа үлэтигэр, социальнай төлөбүрдэр тустарынан киирдилэр.
“Нэһилиэк илин өттүгэр олорор, ититиинэн хааччыллыбатах ыаллары быйыл холбуур былаан баар дуо?” диэн кыһалҕалаах дьонтон ыйытыы киирдэ. Манна “Уют” ХЭТ салайааччыта Егор Пермяков быйыл сөптөөх кыамталаах хочуолунайы тутан киллэриэхпит диэн эппиэттээтэ.
Егор Артемьев уһуйаан тутуутун, Сардаана Гоголева рейсовай автобус өрөбүлэ суох сылдьарын туруорустулар.
Олохтоохтор улуус ыытар үлэтин биһирииллэрин эттилэр, сөптөөҕүнэн сыаналаатылар.
Елена Макаринская