Алтынньы 11 күнүгэр Аан дойдуга Кыргыттар күннэрэ бэлиэтэнэр. Бу күн 2012 сылтан бэлиэтэнэр. Сүрүн болҕомто кыргыттар тэҥ бырааптаах, үөрэхтээх, социальнай, медицинскэй өттүнэн көмүскэллээх буолууларыгар туһуланар. Маннык күн халандаарга баар буолуутун ООН Генеральнай Ассамблеятыгар Канада дьахталлар дьыалаларыгар миниистирэ Рона Эмброуз туруорсубут.
Ааспыт нэдиэлэҕэ биһиги оскуолабытыгар эмиэ кыргыттарга анаммыт тэрээһиннэр ыытылыннылар. Ол курдук, киэргэнэн симэммит кэрэчээн кыргыттарга анаан хайдах бэйэни көрүнэргэ, хайдах косметиканы туттарга, баттаҕы оҥосторго маастар кылаастар ыытылыннылар.
Күннэй Смирникова, 10-с кылаас
Поделиться: